Tony Blair aftur í stjórnmálabaráttuna en ekki í framboð

Tony Blair, fyrrverandi forsætisráðherra Breta og leiðtogi Verkamannaflokksins, sagði mánudaginn 1. maí að hann ætlaði að hefja stjórnmálaafskipti að nýju á heimavelli til að berjast gegn úrsögn Breta úr ESB, Brexit.

Blair leiddi Verkamannaflokkinn frá 1994 til 2007. Hann sagðist ekki ætla að gefa kost á sér í þingkosningunum 8. júní. Hann vildi hins vegar leggja sitt af mörkum til að móta stjórnmálahreyfingu sem hefði áhrif á hvernig staðið yrði að Brexit.

„Ég vik ekki vera í þeirri stöðu að við lifum þennan sögulega tíma án þess að ég léti frá mér heyra vegna þess að í því fælist að mér þætti ekki vænt um þetta land, mér þykir það,“ sagði Blair við dagblaðið Daily Mirror.