Home / Fréttir / Pompeo og Lavrov ræða Venesúela í Rovaniemi

Pompeo og Lavrov ræða Venesúela í Rovaniemi

Sergei Lavrov og Mike Pompeo
Sergei Lavrov og Mike Pompeo

Háttsettur rússneskur embættismaður staðfestir að Sergei Lavrov, utanríkisráðherra Rússlands, hitti Mike Pompeo, utanríkisrráðherra Bandaríkjanna, á fundi Norðurskautsráðsins í Rovaniemi í Finnlandi í næstu viku.

Ónafngreindur bandarískur embættismaður sagði fimmtudaginn 2. maí að ráðherrarnir mundu ræða  „fjölmörg mál“ á fundinum sem hefst mánudaginn 6. maí.

Lavrov og Pompeo hafa aðeins einu sinni áður hist á sambærilegum fundi og nú er fyrirhugaður.

Talið ar að ástandið í Venesúela verði efst á dagskrá ráðherranna að þessu sinni. Rússar styðja Nicolas Maduro sem Bandaríkjastjórn segir að ekki hafi hlotið lögmæta kosningu sem forseti í fyrra. Hún styður nú Juan Guadió þingforseta sem bráðabirgðaforseta Venesúela. Rússar styðja Maduro.

Pompeo sagði þriðjudaginn 30. apríl að Maduro hefði verið tilbúinn til að fara í útlegð til Kúbu.en Rússar hefðu talið honum hughvarf. Lavrov sagði fimmtudaginn 2. maí að þessi fullyrðing Pompeos væri röng.

Í mars sendu Rússar flugvélar með tæplega 100 hermenn til Venesúela en fjárhagslegir hagsmunir Rússa eru miklir í landinu. Bandaríkjastjórn telur að þetta hafi verið sérsveitarmenn og netöryggis sérfræðingar.

 

 

Skoða einnig

Fyrrverandi NATO hershöfðingi kjörinn forseti Tékklands

Petr Pavel (61 árs) fyrrv. hershöfðingi, var laugardaginn 28. janúar kjörinn forseti Tékklands með 57,6% …