fbpx
Home / Fréttir / NATO-ráðherrar ákveða að efla heraflann í A-Evrópu

NATO-ráðherrar ákveða að efla heraflann í A-Evrópu

Jems Stoltenberg á blaðamannafundi í Brussel.
Jems Stoltenberg á blaðamannafundi í Brussel.

Varnarmálaráðherrar NATO-ríkjanna ákváðu á fundi sínum í Brussel miðvikudaginn 10. febrúar að auka enn hernaðarlegan viðbúnað og umsvif undir merkjum bandalagsins í austurhluta Evrópu. Markmiðið er að sýna Rússum að yfirgangsstefnu þeirra verði svarað af festu.

Jens Stoltenberg, framkvæmdastjóri NATO, skýrði frá þessari niðurstöðu ráðherranna í lok fyrri dags tveggja daga fundar þeirra. Hann sagði að í ákvörðuninni fælist að senda hverjum sem vildi ögra bandalagsríkjunum skýr skilaboð að honum yrði mætt af þunga.

Um er að ræða fjölþjóðlegar hersveitir sem stunda æfingar í NATO-ríkjunum næst landamærum Rússlands. Í Frankfurter Allgeimene Zeitung  sagði miðvikudaginn 10. febrúar að um væri að ræða hersveitir sem yrðu um kyrrt í löndum eins og Póllandi, Eistlandi, Lettlandi og Litháen.

 

Skoða einnig

Torséðu þoturnar aftur á heimavelli í Missouri

B-2 Spirit þota á Keflavíkurflugvelli. Þrjár torséðar bandarískar sprengjuþotur af gerðinn B-2 Spirit sneru aftur …