Home / Fréttir / Hátíðarfundur í tilefni 75 ára afmælis Atlantshafsbandalagsins

Hátíðarfundur í tilefni 75 ára afmælis Atlantshafsbandalagsins

Utanríkisráðuneytið í samstarfi við Varðberg, samtök um vestræna samvinnu og alþjóðamál, og Alþjóðamálastofnun Háskóla Íslands, boða til hátíðarfundar í tilefni 75 ára afmælis Atlantshafsbandalagsins í Hátíðarsal Háskóla Íslands, mánudaginn 13. maí frá kl. 10 til 12.

Á þeim 75 árum síðan Atlantshafsbandalagið var stofnað hefur það verið hornsteinn öryggis Evrópu og staðið vörð um frelsi og sameiginleg gildi aðildarríkjanna sem byggð eru á lögmálum lýðræðis, einstaklingsfrelsis og réttarríkisins. Mikilvægi bandalagsins hefur aukist jafnt og þétt, ekki síst vegna vaxandi spennu milli stórveldanna og þeirri breyttu heimsmynd sem við okkur blasir í dag. Áskoranirnar eru margar og samstaða aðildarríkjanna mikilvægari en nokkru sinni fyrr. Á fundinum flytur Þórdís Kolbrún Reykfjörð Gylfadóttir, utanríkisráðherra, opnunarávarp en að auki ávarpa Jens Stoltenberg, framkvæmdastjóri Atlantshafsbandalagsins og utanríkisráðherra Litháens, Gabrielius Landsbergis, fundinn um fjarfundabúnað. Þá taka við pallborðsumræður um hlutverk bandalagsins í nútíð og framtíð og þátttöku Íslands í starfsemi bandalagsins, en Ísland er eitt af stofnríkjum þess.

 

Hlekk á streymi má finna hér: https://vimeo.com/event/4296005

 

Dagskrá:

NATO í 75 ár: Samvinna í þágu öryggis

Fundur í hátíðarsal Háskóla Íslands á vegum Utanríkisráðuneytisins, Varðbergs, samtaka um vestræna samvinnu og alþjóðamál og Alþjóðamálastofnunar Háskóla Íslands

Mánudagur 13. maí kl. 10- 12

 

10:00  Opnunarávarp Þórdís Kolbrún Reykfjörð Gylfadóttir, utanríkisráðherra

10:15  Samtal við Gabrielius Landsbergis, utanríkisráðherra Litháen

10:30  Samstarf um varnarmál í 75 ár: Helstu áskoranir Atlantshafsbandalagsins í dag:

Pallborðsþátttakendur:

  • Andrés Ingi Jónsson, þingmaður Pírata og varaformaður Íslandsdeildar NATO-þingsins.
  • Bjarni Már Magnússon, prófessor og deildarforseti Lagadeildar Háskólans á Bifröst.
  • Hermann Örn Ingólfsson, sendiherra, fastafulltrúi Íslands hjá Atlantshafsbandalaginu.
  • Karítas Ríkharðsdóttir, samskiptastjóri Landsbankans og stjórnarmaður í Varðbergi.
  • Þorgerður Katrín Gunnarsdóttir, formaður Viðreisnar.

Stjórnandi umræðu Davíð Stefánsson, formaður Varðbergs.

11:10  Myndbandsávarp Jens Stoltenberg, framkvæmdarstjóri Atlantshafsbandalagsins.

11:15  Framtíðarhorfur og áskoranir í varnar- og öryggismálum:

Pallborðsþátttakendur:

  • Freyja Steingrímsdóttir, samskiptastjóri BSRB og verðandi framkvæmdastjóri Blaðamannafélagsins.
  • Júlíus Viggó Ólafsson, hagfræðinemi við Háskóla Íslands og formaður Heimdallar.
  • Njáll Trausti Friðbertsson, þingmaður Sjálfstæðisflokks og formaður Íslandsdeildar NATO-þingsins.
  • Silja Bára Ómarsdóttir, prófessor í alþjóðasamskiptum við Stjórnmálafræðideild Háskóla Íslands.
  • Stefanía Reynisdóttir, ritari Skjaldar og alþjóðafulltrúi Uppreisnar.

Stjórnandi umræðu Pia Hansson, forstöðumaður Alþjóðamálastofnunar Háskóla Íslands.

Fundarstjóri: Þórir Guðmundsson, sérfræðingur á varnarmálaskrifstofu

Öll velkomin en vinsamlegast skráið ykkur til þátttöku hér.

 

 

Skoða einnig

Bardagareyndur hershöfðingi settur yfir rússnesku herstjórnina í norðvestri

Þriggja stjörnu hershöfðinginn Aleksandr Lapin var 15. maí skipaður yfirmaður Leningrad-herstjórnarsvæðisins í Rússlandi. Svæðið er …