Home / Fréttir / Aðfangadagur: Rússar gerða morðárás á markað í Kherson

Aðfangadagur: Rússar gerða morðárás á markað í Kherson

Eldar loga í miðborg Kherson á aðfangadag.

Volodymyr Zelenskíj Úkraínuforseti gagnrýndi Rússa fyrir „hryðjuverk“ á aðfangadag, laugardaginn 24. desember, þegar sprengjum rigndi yfir laugardagsmarkað í miðborg Kherson, sjö almennir borgarar týndu lífi og 20 særðust.

Zelenskíj sagði á síðu sinni á samfélagsmiðlinum Telegram að herinn hefði enga aðstöðu í hverfi Kherson sem varð fyrir árásinni. Þá sagði hann:

„Á samfélagsmiðlum verður örugglega sagt að þetta sé „viðkvæmt efni“ [myndskeið sem sýna líkamsleifar á götum, logandi bíla og hrunin hús]. Þetta er ekkert „viðkvæmt efni“ heldur lífið eins og það er í Úkraínu og fyrir Úkraínumenn.“

Hann sagði morðárásirnar gerðar „til að hræða og til skemmtunar“.

Þennan dag voru 10 mánuðir liðnir frá því að Pútin sendi rússneska herinn inn í Úkraínu með skipun um að landið allt yrði hernumið.

Fréttamenn AFP fréttastofunnar voru vitni að því þegar sprengjum rigndi yfir borgina og sáu mannfall á götum úti.

Rússar yfirgáfu Kherson í nóvember en geta enn valdið þar tjóni með vopnum sínum og drónum sem skotið er úr fjarlægð.

Rússneskar sprengjur urðu tveimur að aldurtila í Kherson 15. desember og var annar þeirra starfsmaður Rauða krossins, þá rufu þeir allar raflínur til suðurhluta borgarinnar.

Skoða einnig

Segir Rússa stofna til stríðs við NATO

Stefano Sannino, æðsti embættismaður utanríkisþjónustu ESB (e. Secretary General of the European Union’s European External …