Home / Fréttir / Svisslendingar vilja frjálsa för til ESB-landa

Svisslendingar vilja frjálsa för til ESB-landa

Svissneskur kjörstaður.
Svissneskur kjörstaður.

Mikill meirihluti Svisslendinga hafnar í þjóðaratkvæðagreiðslu sunnudaginn 27. september að setja verulegar skorður við frjálsri för fólks frá ESB-löndum til lands síns. Þá er meirihluti kjósenda einnig í fyrsta sinn hlynntur því að til sögunnar komi greiðslur fyrir fæðingarorlof.

Útgönguspár sýndu að 63% kjósenda höfnuðu tillögu frá Svissneska lýðflokknum (SVP), stærsta flokki landsins, um að slíta skuli samkomulagi við ESB um frjálsa för fólks á sameiginlegum ESB-vinnumarkaði.

Sviss á ekki aðild að evrópska efnahagssvæðinu (EES) en hefur gert tvíhliða samninga við ESB sem ná meðal annars til frjálsrar farar. Svisslendingar eiga aðild að Schenghen-samkomulaginu um „landamæraleysi“.

Spárnar benda einnig til þess að Svisslendingar (61%) hafi í fyrsta sinn samþykkt að til sögunnar komi launað fæðingarorlof, nýjum feðrum verður heimilað að taka tveggja vikna orlof eftir fæðingu barna þeirra.

Skoða einnig

d732904406a9a685872c35e27d5632d064ed0a3ccbce4aa05eee423b81f0c0d2

Óvissa um framtíð klukkubreytinga innan ESB

Lokaákvörðunin er hins vegar innan einstakra ESB-ríkja. Þar verða yfirvöld að ákveða hvort áfram gildi …