Home / Fréttir / Stærsti ísbrjótur heims á tilraunasiglingu

Stærsti ísbrjótur heims á tilraunasiglingu

Risaisbrjóturinn Arktika í St. Pétursborg.
Risaisbrjóturinn Arktika í St. Pétursborg.

Arktika, kjarnorkuknúinn ísbrjótur Rússa, sem sagður er stærsti og öflugasti ísbrjótur í heimi, sneri í vikunni til hafnar í St. Pétursborg, Eystrasaltshöfn Rússlands, eftir tveggja daga tilraunasiglingu.

Rosatom, rússneska ríkisfyrirtækið til hagnýtingar kjarnorku, lét smíða 173 m langan og 15 m háan ísbrjótinn. Honum er ætlað að veita aðstoð við flutning á fljótandi jarðgasi (LNG) í Norður-Íshafi. Skipið er sagt geta brotið allt að þriggja metra þykkan ís.

Mustafa Kashka, forstjóri Atomflot, rússneska ríkisfyrirtækisins sem heldur úti ísbrjótaflota Rússa segir skipið hafa reynst vel á tilraunasiglingunni. Það vakti þó athygli að í þessari jómfrúarferð var skipið knúið díselolíu en ekki kjarnorku.

Arktika var hleypt asf stokkunum árið 2016. Skipið er fyrsta skipið í áætlun sem miðar að því að tryggja opna siglingaleið um Norðurleiðina, það er leiðina frá Atlantshafi til Kyrrahafs fyrir norðan Rússland, allan ársins hring.

Skipið verður sent til lokatilrauna á hafi úti í mars og apríl 2020 og er ætlunin að taka það formlega í notkun í maí. Unnið er að smíði tveggja systurskipa, Ural og Sibir.

Skoða einnig

Kenneth Braithwaite.

Bandaríski flotamálaráðherrann boðar aukin norðurslóðaumsvif

Kenneth Braithwaite, flotamálaráðherra Bandaríkjanna, sagði miðvikudaginn 6. janúar að bandaríski flotinn hæfi reglulegar siglingar á …