fbpx
Home / Fréttir / Sarkozy sakar málsvara Gaddafis um rógburð og lygar

Sarkozy sakar málsvara Gaddafis um rógburð og lygar

Nicolas Sarkozy.
Nicolas Sarkozy.

Franska blaðið Le Figaro birti fimmtudaginn 22. mars greinargerð sem Nicolas Sarkozy, fyrrverandi Frakklandsforseti, lagði fyrir rannsóknatdómara í máli hans miðvikudaginn 21. mars áður en honum var sleppt úr tveggja sólarhringa varðhaldi. Hann var sviptur frelsi til að svara spurningum vegna ásakana um að Muammar Gaddafi, harðstjóri í Líbíu, hefði veitt honum fjárstuðning í forsetakosningabaráttunni árið 2007.

Sarkozy spyr hvernig nokkrum detti í hug að segja að hann hafi dregið taum stjórnvalda í Líbíu. Hann sem hafi fengið umboð frá Sameinuðu þjóðunum til að ráðast á Líbíu undir stjórn Gaddafis. Án pólitískra afskipta hans sæti stjórn Gaddafis líklega enn við völd.

Hafa bæri í huga að á árunum frá 2007 til 10. mars 2011 hefði Gaddafi sjálfur aldrei gefið til kynna að hann hefði lagt Sarkozy lið. Yfirlýsingagleði Gaddafis, fjölskyldu hans og samstarfsmanna í þessa veru hefði ekki hafist fyrr en 11. mars 2011, daginn eftir að Sarkozy tók á móti CNT, andstæðingum Gaddafis, í Élysée-forsetahöllinni. Þá fyrst hefði rógsherferðin hafist.

Greinargerðin er er um 1.700 orð og þar svarar Sarkozy öllum ásökunum á hendur sér og færir rök fyrir að á hann sé ráðist af illum huga og án nokkurra sannanna.

Hann minnir á að hernaðurinn gegn Gaddafi hafi staðið frá mars fram í október árið 2011. Í þessa sjö mánuði hafi Gaddafi verið á lífi og ekkert hindrað hann í birta skjöl, myndir, upptökur eða annað til að sanna mál sitt, ekkert slíkt hefði gerst.

 

Skoða einnig

Loftslagsaðgerðir Svisslendinga í uppnámi

Meirihluti Svisslendinga hafnaði í þjóðaratkvæðagreiðslu sunnudaginn 13. júní tillögu ríkisstjórnarinnar um að stuðla að minnkun …