Home / Fréttir / Rússland: Þjóðeiningardagur kallar fram mótmæli

Rússland: Þjóðeiningardagur kallar fram mótmæli

 

Rússneskir lögreglumenn handtaka mótmælendur.
Rússneskir lögreglumenn handtaka mótmælendur.

Rússneska lögreglan handtók að minnsta kosti fjóra mótmælendur úr hópi þjóðernissinna í Moskvu sunnudaginn 4. nóvember. Efnt var til mótmæla gegn stjórnvöldum. Mótmælin tengjast þjóðeiningardegi Rússlands, föðurlandsdegi sem kom til sögunnar árið 2005.

Þrír skipuleggjendur mótmælaaðgerða þjóðernissinna í Ljublino-hverfinu, í suðaustur jaðri Moskvu, voru einnig handteknir að sögn OVD-Info, sjálfstæðs hóps sem fylgist með aðgerðum yfirvalda gegn hvers kyns andófi.

Fyrir utan mótmælin í Ljublino efndu rússneskir konungssinnar til útifundar í Sjhukino á norðaustur jaðri Moskvu.

Þjóðeiningardagur Rússlands var innleiddur að rússneskum stjórnvöldum árið 2005. Hann er frídagur sem Pútín stofnaði til að fagna sigri yfir Pólverjum árið 1612. Skyldi hann koma í stað hátíðarhaldanna sem kommúnistar efndu til 7. nóvember ár hvert til að minnast rússnesku byltingarinnar.

Að þessu sinni hafa stjórnvöld heimilað skrúðgöngur í 12 rússneskum borgum, þar á meðal St. Pétursborg og Jekaterinburg.

Vladimir Pútín Rússlandsforseti hefur notað frí- og hátíðardaginn til að ýta undir ættjarðarást og hvetja til einingar þjóðarinnar undir styrkri stjórn sinni og manna sinna í Kreml.

Undanfarin ár hefur komið til árekstra milli stjórnarandstæðinga og lögreglu í tengslum við daginn. Í fyrra handtók lögreglan rúmlega 70 mótmælendur eftir að þeir komu saman í Ljublino og lýstu andúð í garð ríkisstjórnarinnar.

Þótt Pútin hvetji til föðurlandsástar í boðskap sínum eru ekki harðlínumenn til stuðnings ágæti Rússa og slava ánægðir með stefnu hans og telja hann ekki ganga nógu langt. Þeim hefur undanfarin ár verið bannað að fara í skrúðgöngu um miðborg Moskvu.

 

Skoða einnig

Emmanuel Macron í þýska þinginu.

Macron heitir á Þjóðverja að endurnýja ESB

Emmanuel Macron Frakklandsforseti var í Berlín sunnudaginn 18. nóvember til að að minnast loka fyrri …