Home / Fréttir / Pútín fagnar hertum tökum hersins á norðurslóðum

Pútín fagnar hertum tökum hersins á norðurslóðum

Fallhífarhermenn

Vladimír Pútín Rússlandsforseti sagði á fundi um þróun hers- og hergagnaiðnaðar í Sotsjí þriðjudaginn 12. maí að forgangsverkefni Rússa væri að halda fast við áformin um að endurnýja heraflann. Hann fagnaði hve vel miðaði að styrkja hernaðarleg tök Rússa á norðurslóðum.

TASS-fréttastofan segir að markmiðið sé að 32% búnaðar landhersins, 33% flughersins, 40% fallhlífaliðs og 50% flotans og geimvarnahersveita skuli endurnýjuð.

Forsetinn vitnaði í tölur fyrir mánuðina janúar til apríl 2015 og sagði framleiðendur þegar hafa skilað meira en einum þriðja af því sem stefnt var að framleiða í ár af þyrlum, drónum og loftvarnakerfum. Markvisst væri unnið að endurnýjun bryndreka og stórskotaliðsvopna. Rússneski herinn væri að eignast háþróuð langdræg eldflaugakerfi, herskip og kafbáta.

Pútín vék sérstaklega að heraflanum á norðurslóðum og Norðurflotanum sem hefði aukið öryggi á athafnasvæði sínu. Hann sagði að með því að koma á fót strategískri norðurslóða-herstjórn hefði öryggi á svæðinu verið aukið.

Sameiginleg herstjórn norðurslóða kom til sögunnar 1. desember 2014. Til hennar var stofnað að fyrirlagi Pútíns á grunni Norðurflotans. TASS hefur eftir heimildarmanni í rússneska varnarmálaráðuneytinu að sjálfbærar hersveitir komi til sögunnar að þessu svæði á árinu 2018. Flugherinn myndar kjarna þeirra ásamt loftvarnakerfi. Þá er unnið að því að koma á fót tveimur véla-stórfylkjum landhersins.

Nýja herstjórnin er í bækistöð Norðurflotans í Severomorsk og undir hana fellur landher, flugher og floti, bæði herskip og langdrægir kjarnorkukafbátar.

 

 

Skoða einnig

Morgan Johansson dómsmálaráðherra og Stefan Löfven forsætisráðherra Svíþjóðar (t.v.).

Sænskir stjórnmálamenn ræða beitingu hervalds gegn glæpahópum.

Jafnaðarmaðurinn Stefan Løfven, forsætisráðherra Svíþjóðar, sagði miðvikudaginn 17. janúar að hann útilokaði ekki að beita …