Home / Fréttir / Mótmæla kosningaofbeldi í Moskvu

Mótmæla kosningaofbeldi í Moskvu

Rússneska baráttukonan Ljubov Sobol var tekin föst í stutta stund.
Rússneska baráttukonan Ljubov Sobol var tekin föst í stutta stund.

Aðgerðasinnar meðal rússneskra stjórnarandstæðinga ætla að efna til mótmæla í Moskvu laugardaginn 27. júlí þótt yfirvöld hafi ekki veitt heimild til þeirra. Fyrr í vikunni handtók lögreglan Alexei Navalníj, forystumenn meðal þeirra sem halda uppi gagnrýni á Vladimír Pútín Rússlandsforseta og stjórn hans.

Rússneska baráttukonan Ljubov Sobol var tekin föst í stutta stund snemma föstudags 26. júlí fyrir utan höfuðstöðvar kjörstjórnarinnar í Moskvu. Hún vill bjóða sig fram í borgarstjórnarkosningunum sem verða sunnudaginn 8. september. Hún sagði á Twitter að verðir hefðu borið hana út úr skrifstofu kjörstjórnarinnar þegar hún hlýddi ekki fyrirmælum um að yfirgefa staðinn. Það var farið með hana til skýrslutöku á lögreglustöð og hún sökuð um að hindra störf kjörstjórnarinnar.

Að kvöldi miðvikudags 24. júlí ruddist lögregla inn á heimili fjögurra einstaklinga úr hópi stjórnarandstæðinga. Meðal þeirra var Dmitríj Gudkov. Hann og eiginkona hans sögðu á Twitter að 10 lögreglumenn hefðu komið heim til þeirra á miðvikudagskvöld, lokað fyrir internetið í hálftíma og tekið tölvudiska sem tengdust mótmælunum.

Stjórnarandstæðingar efna til þessara aðgerða í von um að tryggja að frambjóðendur þeirra fái að taka þátt í borgarstjórnarkosningunum í Moskvu í september.

Áður en Navalníj var handtekinn á miðvikudaginn og settur í 30 daga fangelsi hafði hann hvatt almenning til að mótmæla því í Moskvu á laugardeginum að stjórnarandstæðingar fengju ekki að bjóða sig fram í Moskvu í september.

Fram hefur komið að frambjóðendur Pútins og félaga njóti lítilla vinsælda meðal kjósenda. Þetta hefur vakið stjórnarandstæðingum vonir um að þeir geti hugsanlega náð öflugri fótfestu í höfuðborginni.

Yfrvöldin segja frambjóðendurna ekki hafa aflað sér nógu margra meðmælenda.

Þetta eru ekki fyrstu mótmælin til stuðnings stjórnarandstæðingum í sveitarstjórnarkosningunum. Um tuttugu þúsund manns gengu þeim til stuðnings um götur Moskvu 20. júní sl.

 

 

 

 

Skoða einnig

Giuseppe Conte, forsætisráðherra Ítalíu, boðar afsögn sína. Við hlið hans situr Matteo Salvini sem sprengdi stjórnarsamstarfið.

Stjórnarkreppa á Ítalíu að frumkvæði Salvinis

  Forsætisráðherra Ítalíu Giuseppe Conte sagði af sér þriðjudaginn 20. ágúst og ríkir stjórnarkreppa í …