Home / Fréttir / Kínverski Snædrekinn 2 siglir í norður

Kínverski Snædrekinn 2 siglir í norður

Xue Long 2 - Snædrekinn 2.
Xue Long 2 – Snædrekinn 2.

Nýr ísbrjótur Kínverja, Xue Long 2, Snædrekinn 2, hélt úr heimahöfn sinni júlí Shanghai miðvikudaginn 15. júlí og tók stefnu norður með strönd Kína í átt að Norður-Íshafi. Þetta er fyrsta ferð skipsins á norðurslóðir. Skipið var tekið í notkun á árinu 2019. Fyrr á þessu ári fór skipið í leiðangur til Suðurskautsins.

Xinhua-fréttastofan segir að norðurleiðangurinn sé skipulagður af kínverska náttúruauðlinda-ráðuneytinu. Undir lok september er von á skipinu aftur til Shanghai eftir um 12.000 sjómílna siglingu.

Vísindamenn um borð í skipinu rannsaka líffræðilegan fjölbreytileika í á norðurslóðum, súrnun hafsins og mengunarvalda ætlunin er að fara vestur á hafsvæðið undan strönd Kanada auk þess að kanna miðhluta Norður-Íshafs.

Markmiðið er að auka þekkingu Kínverja á áhrifum loftslagsbreytinga á Norður-Íshaf og treysta grunninn undir markvissari viðbrögð vegna loftslagsbreytinganna, segir Xinhua.

Kínverska heimskautastofnunin á og rekur Xue Long 2 (122 m langur) en stofnunin hefur átt aðild að 10 kínverskum rannsóknarleiðöngrum á norðurslóðir.

Nú í ágúst eru átta ár frá því að kínverski ísbrjóturinn Snædrekinn kom Norðurleiðina til Reykjavíkur og hélt héðan yfir Norður-Íshaf í leit að siglingaleiðum fyrir norðan stjórnsvæði Rússa. Snædrekinn hefur einnig siglt Norðvesturleiðina, undan ströndum Kanada.

 

Skoða einnig

Josep Borrell, utanríkismálastjóri ESB.

Kýpverjar stöða ESB-samstöðu gegn Lukasjenko

  Josep Borrell, utanríkismálastjóri ESB, segir að trúverðugleiki ESB sé í húfi eftir að utanríkisráðherrar …