Home / Fréttir / Hitinn á norðurskautinu næstmestur árið 2018

Hitinn á norðurskautinu næstmestur árið 2018

Skip á Norðurleiðinni í kjölfar rússnesks ísbrjóts.
Skip á Norðurleiðinni í kjölfar rússnesks ísbrjóts.

Bandaríska haffræði- og loftslagsstofnunin (National Oceanographic and Atmospheric Administration, NOAA) sendi þriðjudaginn 11. desember frá sér skýrslu sem sýnir að árið 2018 er annað hlýjasta árið sem mælst hefur á norðurskautinu.

„Lofthiti á norðurskautinu hefur undanfarin fimm ár verið hærri en öll ár frá árinu 1900,“ segir í árlegri skýrslu NOAA um norðuskautið árið 2018. Þar segir að aðeins á árinu 2016 hafi hitinn orðið hærri á þessum slóðum.

Einnig kemur fram að hitinn á norðurskautinu eykst tvöfalt hraðar en annars staðar á jörðinni. Þetta virðist breyta gerð og styrk háloftastrauma sem hafa áhrif á norðurhveli jarðar. Þetta leiði til dæmis til mikils kulda á svæði sunnan við heimskautsbaug.

Í skýrslunni er vakið máls á hörðum vetrarstormum í austurhluta Bandaríkjanna árið 2018. Þá er einnig nefndur ofsakuldi í Evrópu í mars 2018.

Skoða einnig

Giuseppe Conte, forsætisráðherra Ítalíu, boðar afsögn sína. Við hlið hans situr Matteo Salvini sem sprengdi stjórnarsamstarfið.

Stjórnarkreppa á Ítalíu að frumkvæði Salvinis

  Forsætisráðherra Ítalíu Giuseppe Conte sagði af sér þriðjudaginn 20. ágúst og ríkir stjórnarkreppa í …