fbpx
Home / Fréttir / Geymslurými í bílastæðahúsi Helskinki-flugvallar

Geymslurými í bílastæðahúsi Helskinki-flugvallar

39-7347885f98087fc55c4Finnska flugrekstrarfélagið Finavia auglýsir nú laus vetrargeymslustæði fyrir bíla og báta í bílastæðahúsi við Helsinki-flugvöll. Gegn geymslugjaldi er unnt að leggja þar bátum og farartækjum sem eru undir tveimur metrum á hæð.

„Nú á þessum tímum gefst tækifæri til að stunda nýsköpun á algjörlega nýju þjónustusviði við viðskiptavini okkar. Vegna kórónuveirunnar verður meira laust rými í bílastæðahúsinu í vetur. Við venjulegar aðstæður getum við þetta ekki,“ sagði Jukka Isomäki, forstjóri Finavia.

Finnska ríkisútvarpið, YLE, segir fleiri í flugrekstri hafa orðið að endurskoða rekstur sinn og áætlanir vegna hörmulegra fjárhagsáhrifa veirunnar.

Flugvélaeldhúsið, Finnair Kitchen, með 500 starfsmenn án verkefna, hafi til dæmis leitað fyrir sér á markaði með tilbúna rétti og boðið þá til sölu í stórum matvöruverslunum.

Flugvöllurinn er í bæjarfélaginu Vantaa og bæjarstjórnin þar lagði því lið í sumar að bílabíó var opnað á auðum stæðum við Helskinki-flugvöll.

Það kostar 89 evrur á mánuði, tæpar 15.000 ísl. krónur, að leigja stæði í bílastæðahúsi flugvallarins og unnt að geyma bíla eða báta þar fram til loka maí 2021.

Skoða einnig

Alþjóðleg netárás veldur vanda í Svíþjóð

Hundruð fyrirtækja um heim allan, þar á meðal verslanakeðjan Coop í Svíþjóð, glímdu laugardaginn 3. …