Home / Fréttir / Frakkland: Ákveðið að vopna lögreglu á ferðamannastaðnum Mont Saint-Michel

Frakkland: Ákveðið að vopna lögreglu á ferðamannastaðnum Mont Saint-Michel

Mont Saint-Michel
Mont Saint-Michel

Mont Saint-Michel er einn vinsælasti ferðamannastaður Frakklands. Ákveðið hefur verið að frá og með desember í ár verði vopnuð lögregla þar á verði vegna ótta við hryðjuverk.

Staðurinn er undan strönd Normandie og þar hafa hvorki verið vopnaðir lögreglumenn né hermenn á verði eins og í París eða öðrum stórborgum Frakklands.

Í Mont Saint-Michel var reist klaustur á fyrri tíð en nú koma þangað um þrjár milljónir ferðamanna á ári. Þessi einstaki staður er þriðji vinsælasti ferðamannastaður er í Frakklandi, á eftir Eiffel-turninum og höllinni í Versölum.

Yann Galeton, bæjarstjóri í Mont Saint-Michel, segir að ákvörðunin um að vopna fimm  lögreglumenn í bænum sé tekin til að tryggja öryggi þeirra sem þangað koma.

„Dag hvern þarf lögreglan að skoða dularfulla böggla og vegna hættunnar á hryðjuverkum þorum við einfaldlega ekki að taka neina áhættu,“ sagði bæjarstjórinn við dagblaðið Ouest France.

Lögreglumennirnir hefja æfingar með 9mm hálf-sjálfvirkum byssum í október og miðað er við að þeir  beri vopn við störf sín í desember.

Lögreglumenn í Mont Saint-Michel sinna einnig skyldum í nágrannabæjunum Pontorson og Beauvoir.

„Við verðum að geta verndað almenning verði unnið hryðjuverk. Mont Saint-Michel er áhættustaður,“ segir André Denot, bæjarstjóri um Pontorson.

 

 

Skoða einnig

Morgan Johansson dómsmálaráðherra og Stefan Löfven forsætisráðherra Svíþjóðar (t.v.).

Sænskir stjórnmálamenn ræða beitingu hervalds gegn glæpahópum.

Jafnaðarmaðurinn Stefan Løfven, forsætisráðherra Svíþjóðar, sagði miðvikudaginn 17. janúar að hann útilokaði ekki að beita …