Home / Fréttir / Forsetar Eystrasaltslandanna árétta nauðsyn varðstöðu gagnvart Rússum

Forsetar Eystrasaltslandanna árétta nauðsyn varðstöðu gagnvart Rússum

Dalia Grybauskaite, forseti Litháens, tekur á móti Raimonds Vejonis,  nýjum forseta Lettlands,.
Dalia Grybauskaite, forseti Litháens, tekur á móti Raimonds Vejonis, nýjum forseta Lettlands,.

Dalia Grybauskaite, forseti Litháens, og Raimonds Vejonis, forseti Lettlands, hittust í Vilnius, höfuðborg Litháens, mánudaginn 13. júlí og ræddu áform um sameiginleg kaup á loftvarnakerfum til að styrkja öryggi landa sinna vegna ögrana af hálfu Rússa.

Veronis var settur inn í embætti forseta Lettlands miðvikudaginn 8. júlí. Daginn eftir fór hann í fyrstu opinberu heimsókn sína til nágrannalandsins Eistlands og síðan hinn 13. júlí til Litháens.

Í Eistlandi ræddi Vejonis við Toomas Hendrik Ilves um öryggi ríkjanna í ljósi afskipta Rússa af innri málum Úkraínu. Eftir fundinn sagði Vejonis:

„Á einu ári hafa Rússar fylgt yfirgangsstefnu gagnvart Úkraínu. Þetta er vandi sem snertir alla í Evrópu vegna þess að staða öryggismála er gjörbreytt. Við vonum hins vegar að Rússar muni binda enda á aðgerðir sínar í nágrenni Úkraínu og hefji viðræður að nýju og þegar öllum ákvæðum Minsk-samkomulagsins hefur verið hrundið í framkvæmd geti Evrópuþjóðir tekið upp eðlileg samskipti við Rússa. Við núverandi aðstæður er það ómögulegt.“

Í Vilníus var efnt til blaðamannafundar eftir að Raimonds Vejonis hafi rætt við Daliu Grybauskaite. Þar sagði forseti Litháens:

„Við ræddum mál sem snertu aukna hernaðarlegt samstarf okkar, þar á meðal sameiginleg vopnakaup, einkum í þágu loftvarna.“

Forseti Litháens vildi ekki skýra nána um hvað þessi áform snerust en markmiðið væri að kaupa það sem þeir hefðu efni á að kaupa, það sem ríkin þyrftu. Yrði ódýrara að sameina innkaupin yrði það gert.

Varnarmálaráðherrar Litháhens, Lettlands og Eistlands kynntu í maí 2015 áætlun um að koma á fót meðaldrægu loftvarnakerfi með bækistöð í Panevezys í norðurhluta Litháens.

Vejonis (f. 1966) var varnarmálaráðherra Lettlands þegar þing landsins kaus hann sem forseta hinn 3. júní 2015 með 55 atkvæðum af 100 í þinginu. Hann sat á þingi fyrir flokk græningja.

 

 

Skoða einnig

Myndin er tekin 12. ágúst 2019 í lokuðu borginni Sarov um 370 km fyrir austan Moskvu. Fólk kom saman til að kveðja fimm rússneska kjarnorkuvísindamenn sem fórust þegar reynt var að bjarga ónýtri, kjarnorkuknúinni stýriflaug.

Upplýst um rússneskt kjarnorkuslys á norðurslóðum

  Rússnesk stjórnvöld hafa beitt þöggun til að kæfa umræður um mannskæða sprengingu í kjarnakljúfi …