Home / Fréttir / Fjórir sakaðir um árásina á MH17

Fjórir sakaðir um árásina á MH17

 

Eftuir ítarlega rannsókn tókst að raða saman stjórnklefa vélarinnar.
Eftir ítarlega rannsókn tókst að raða saman stjórnklefa vélarinnar.

Þrír Rússar og einn Úkraínumaður eru sakaðir um að hafa skotið niður MH17 flugvélina á leið frá Amsterdam til Kuala Lumpur yfir Úkraínu árið 2014. Meðal þeirra er Igor Girkin, „varnarmálaráðherra“ Donetsk-lýðveldisins svonefnda. Það er rannsóknarnefnd undir forystu Hollendinga sem birtir sakargiftirnar.

Þeir sem um ræðir eru:

Igor Girkin/Strelkov, Rússi og fyrrverandi ofursti í rússnesku FSB-öryggislögreglunni. Hann var kallaður „varnarmálaráðherra“ eftir að aðskilnaðarsinnar stofnuðu Donetsk-lýðveldið.

Sergeij Dubinskí í njósnadeild hers aðskilnaðarsinna.

Oleg Pulatov, fyrrv. rússneskur hermaður, undirmaður Dubinskís.

Leonid Kharsjenko, Úkraínumaður sem stjórnaði sveit aðskilnaðarsinna þegar árásin var gerð.

Wilbert Paulissen, yfirlögregluþjónn í hollensku ríkislögreglunni og fulltrúi sameiginlegu rannsóknarnefndarfinnar, sagði miðvikudaginn 19. júní að þetta markaði upphaf sakamáls í Hollandi.

Mennirnir fjórir verða kallaðir fyrir dómara í Hollandi í mars 2020 sakaðir um morð. Gefnar verða út alþjóðlegar handtökuskipanir gegn þeim.

MH17 var skotin niður á flugi yfir landi undir stjórn aðskilnaðarsinna í skjóli Rússa. Allir um borð, 298, mest Hollendingar, týndu lífi.

Í fyrra varð ljóst eftir ítarlega rannsókn að rússnesk BUK-skotflaug grandaði vélinni. Hafði hún verið flutt frá Kursk í Rússlandi til Úkraínu á farartækjum rússneska hersins.

 

 

 

Skoða einnig

Myndin er tekin 12. ágúst 2019 í lokuðu borginni Sarov um 370 km fyrir austan Moskvu. Fólk kom saman til að kveðja fimm rússneska kjarnorkuvísindamenn sem fórust þegar reynt var að bjarga ónýtri, kjarnorkuknúinni stýriflaug.

Upplýst um rússneskt kjarnorkuslys á norðurslóðum

  Rússnesk stjórnvöld hafa beitt þöggun til að kæfa umræður um mannskæða sprengingu í kjarnakljúfi …