Home / Fréttir / Dapurleg úrslit fyrir CSU og jafnaðarmenn í Bæjaralandi

Dapurleg úrslit fyrir CSU og jafnaðarmenn í Bæjaralandi

 

Martin Söder forsætisráðherra
Markus Söder forsætisráðherra

Kristilega sósíalsambandið (CSU) fékk flest atkvæði í kosningunum til sambandslandsþings Bæjaralands í München. Flokkurinn tapaði þó meirihluta sínum á þinginu og verður nú í þriðja sinn frá lokum síðari heimsstyrjaldarinnar að mynda stjórn með öðrum flokki.

Útgönguspár að loknum kosningunum síðdegis sunnudaginn 14. október sýna að CSU fái 35,5% atkvæða. Græningjum er spáð 18,5%. Þá koma Frjálsir kjósendur (til hægri) með 11,5%, í fjórða sæti eru Alternative für Deutschland (AfD) (hörð útlendingastefna) með 11% í fimmta sæti Jafnaðarmannaflokkurinn (SPD) með 10% og loks Frjálsir demókratar (FDP) með 5%, rétt nóg til að fá menn á þing.

Eigi að mynda tveggja flokka stjórn í Bæjaralandi þarf Markus Söder, forsætisráðherra og leiðtogi CSU, að mynda stjórn með græningjum. Af beggja hálfu var lýst efasemdum um þá leið í kosningabaráttunni. Þriggja flokka stjórn CSU, Frjálsra kjósenda og FDP yrði stjórn þingmanna hægra megin við miðju.

Úrslit í kosningunum verða kunn að kvöldi sunnudags 14. október eða morgni mánudags 15. október.

Skoða einnig

Emmanuel Macron í þýska þinginu.

Macron heitir á Þjóðverja að endurnýja ESB

Emmanuel Macron Frakklandsforseti var í Berlín sunnudaginn 18. nóvember til að að minnast loka fyrri …