Home / Fréttir / Bretar hefja þjálfun á P8A-kafbátaleitarvélum

Bretar hefja þjálfun á P8A-kafbátaleitarvélum

P8A-Poseidon vél að Boeing-gerð.
P8A-Poseidon vél af Boeing-gerð.

Breskir flugmenn og flugvirkjar eru teknir til við æfingar í Jacksonville í Flórída í Bandaríkjunum til að búa sig undir að hefja gæslu með P-8A Poseidon kafbátaleitarvélum á árinu 2020.

Breska varnarmálaráðuneytið segir að flugáhafnir verði á næstu þremur árum þjálfaðar á þessum vélum. Heimavöllur þeirra er í Lossiemouth á Skotlandi.

Hvert þjálfunarnámskeið tekur um sex mánuði.

Bandaríska þjálfunarsveitin, VP-30, þjálfar um 600 manns á ári. Bandaríkjamenn leggja nú P-3 Orion kafbátaleitarvélunum sem voru meðal annars á Keflavíkurflugvelli og koma P-8A Poseidon vélar í þeirra stað. Til að aðstaðan á Keflavíkurflugvelli nýtist fyrir þær hefur Bandaríkjaþing veitt fjárheimild til endurnýjunar og breytinga á flugskýli og flughlöðum í Keflavík.

Bretar taka við fyrstu P8-vél sinni í október 2019, hún kemur síðan til Skotlands vorið 2020. Mælt er með að Bretar eignist 16 slíkar vélar en alls hafa verið fest kaup á níu. Þeir hafa verið án kafbátaleitarvéla í nokkur ár eða síðan þeir lögðu Nimrod-þotum sínum.

 

 

Skoða einnig

Kortið sýnir leiðir undir merkjum belta og brauta.

Kínverjar kynna belti og braut – margt er óljóst

    Höfundur Kristinn Valdimarsson Gera má ráð fyrir því að það hafi ekki farið …