Home / Fréttir / Norðmenn nota dróna til eftirlits í norðurhöfum

Norðmenn nota dróna til eftirlits í norðurhöfum

Ný vefsíða um varnar- og öryggismál í Noregi.
Ný vefsíða um varnar- og öryggismál í Noregi.
PC3 Orion-vél
PC3 Orion-vél

Nýlega hóf vefsíðan aldrimer.no göngu sína í Noregi. Tilgangur hennar er að beina athygli að vörnum Noregs en heiti síðunnar vísar til kjörorðsins; „Aldri mer 9. april“ sem vísar til þess að Noregur verði aldrei hernuminn að nýju eins og nasistar gerðu 9. apríl 1940. Kunnur norskur rannsóknarblaðamaður, Kjetil Stormark, er ritstjóri síðunnar.

Á aldrimer.no var nýlega sagt frá áformum norska hersins um að hætta að halda úti sveit P-3C/N Orion, kafbátaleitar- og eftirlistflugvélum frá Andøya-flugstöðinni, úti við hafið, skammt fyrir norðan Lófóten. P-3C Orion-vélarnar á Andøya mynda einu eftirlitsflugsveit Norðmanna. Orrustuþotur geta einnig athafnað sig á flugvellinum en sögu hans má rekja til ákvarðana sem teknar voru árið 1951 þegar bandaríska varnarliðið kom til Íslands og Bandaríkjamenn lögðu áherslu á gerð flugvalla á Grænlandi. Hlutverk sex Orion-flugvéla á Andøya hefur lotið að eftirlitsflugi í þágu hersins og norsku strandgæslunnar.

Í stað Orion-vélanna er ætlunin að komi nýjar Boeing P-8 Poseidon eftirlitsvélar. Einnig eru áform um að nota stóra eftirlitsdróna á hafi úti. Við lokun flotaflugstöðvarinnar á Andøya verður bækistöð nýrra eftirlitsflugvéla og dróna í Evenes sem er aðeins sunnar, nálægt Narvík.

Á aldrimer.no er vitnað í skjöl norska hersins þar sem segir að geta til eftirlits (ISR: Intelligence, surveillance, reconnaissance) muni aukast við breytinguna en ekki verði lögð sama áhersla og áður á kafbátaleit og varnir (ASW: anti-submarine warfare). Minni áherslu á kafbátaleit er talið að megi rekja til þess að innan hersins efist menn um að fé fáist á næstu árum til að kaupa Boeing P-8 Poseidon vélarnar.

Norski herinn hefur fest kaup á háþróuðu drónakerfi, HALE/MALE-kerfi. Hale-dróna má senda í allt að 9.000 m hæð draga þeir 200 km. Male-dróna má senda í allt að 9.100 m hæð og er drægni þeirra ótakmörkuð.

 

Skoða einnig

Myndin er tekin 12. ágúst 2019 í lokuðu borginni Sarov um 370 km fyrir austan Moskvu. Fólk kom saman til að kveðja fimm rússneska kjarnorkuvísindamenn sem fórust þegar reynt var að bjarga ónýtri, kjarnorkuknúinni stýriflaug.

Upplýst um rússneskt kjarnorkuslys á norðurslóðum

  Rússnesk stjórnvöld hafa beitt þöggun til að kæfa umræður um mannskæða sprengingu í kjarnakljúfi …