Home / Fréttir (page 2)

Fréttir

NATO: Evrópuríki og Kanada auka útgjöld sín til varnarmála

topillunatos-forsvarsudgifter

Á árinu 2020 jukust útgjöld til varnarmála í Evrópu og Kanada meira en nokkru sinni fyrr. Það eru einkum fyrrverandi aðildarríki Varsjárbandalagsins í Austur-Evrópu sem efla herstyrk sinn en sama þróun er alls staðar í Evrópu. Ekkert bendir til að snúið verði af þessari braut þótt Donald Trump Bandaríkjaforseti hverfi …

Lesa meira

Afganistan: Kínverjar setja fé til höfuðs Bandaríkjamönnum

Bandarískir hermenn í Afganistan.

Bandarískir fjölmiðlar fullyrða að fyrr í þessum mánuði, desember 2020, hafi Donald Trump verið gerð grein fyrir grunsemdum um að Kínverjar hefðu heitið afgönskum vígamönnum „verðlaunagreiðslum“ ef þeir dræpu bandaríska hermenn. Eldri fréttir eru um að Rússar hafi boðið Afgönum fé fyrir að ráðast á bandaríska hermenn. Fullyrt var á …

Lesa meira

Rússneskur togari ferst á Barentshafi

Togarinn Onega.

Rússneski togarinn Onega MK 0331 sökk að morgni 28. desember á Barentshafi nálægt Novaja Zemlja. Um borð var 19 manna áhöfn, tveimur var bjargað sagði í tilkynningu frá neyðarráðuneyti Rússlands (EMERCOM) sem vitnað er til í frétt TASS-fréttastofunnar. Leit og björgun er stjórnað frá miðstöð í Múrmansk með aðstoð rússneska …

Lesa meira

Brexit-samningi fagnað beggja vegna Ermarsunds

Boris Johnson fagnar brexit-samkomulaginu.

Bretar og Evrópusambandið komust loks að samkomulagi um viðskiptasamning á aðfangadag (24. desember 2020) eftir stífar samningaviðræður í 11 mánuði. Þar með er ljóst hvernig samskiptunum milli þeirra verður háttað eftir að Bretar segja endanlega skilið við ESB eftir tæplega 50 ára aðild. „Við endurheimtum lagasetningarvald okkar og ráðum sjálf …

Lesa meira

Aldrei meiri siglingar um Norðurleiðina en árið 2020

Rússneskur ísbrjótur aðsoðar skip á Norðurleiðinni.

Kjell Stokvik, forstjóri Center for High North Logistics, í Kirkenes, nyrst í Noregi segir að aldrei hafi siglingar um Norðurleiðina, það er á siglingaleiðinni frá Atlantshafi til Kyrrahafs fyrir norðan Rússland, verið eins miklar og í ár 2020. Alls var um 62 ferðir skipa eftir leiðinni að ræða. „Þetta er …

Lesa meira

Navalníj gabbaði FSB-útsendara sem staðfesti eiturárásina

Konstantin Kudrjavtsev

Alexei Navalníj, kunnasti opinberi andstæðingur Vladimirs Pútins, sem varð fyrir eituráras í Síberíu í ágúst 2020 segir að sér hafi tekist að leika á rússneskan öryggislögreglumann og fengið hann til að viðurkenna að rússneskir njósnarar hefðu reynt að drepa sig með eitri. Navalníj dvelst nú í Þýskalandi en lífi hans …

Lesa meira

Tölvuárásin: Trump beinir athygli að Kínverjum

53477093_303

Donald Trump Bandaríkjaforseti segir Kínverja hugsanlega standa að baki meiriháttar tölvuárás á netkerfi bandarískra ráðuneyta og ríkisstofnana auk netkerfa víða um heim. Þessi ummæli stangast á við það sem Mike Pompeo, utanríkisráðherra Bandaríkjanna, segir en hann telur „næsta augljóst“ að Rússar séu að baki árásinni. Pompeo lét þessi orð falla …

Lesa meira

Bandarikin: Eðli risa-tölvuárásarinnar skýrist – Rússar grunaðir

Viðskiptavinir SolarWinds eru illa settir vegna tölvuárásarinnar.

Tölvuþrjótum tókst að laumast um glufu inn fyrir varnarvegg netöryggisfyrirtækis sem veitir sérhæfða þjónustu til að tryggja öryggi annarra. Viðskiptavinir netöryggisfyrirtækisins, þar á meðal á annan tug bandarískra ráðuneyta og þúsundir einkafyrirtækja glíma nú við alvarlegan netöryggisvanda af þessum sökum. Á vefsíðunni Politico segir að meðal annars hafi verið vegið …

Lesa meira

Rússar boða Kinzhal-skotflaugar í Norðurflotanum – gjörbreyting fyrir nágrannaþjóðir

Stefnumarkandi ákvörðun hefur verið tekin um að rússneski Norðurflotinn vígbúist með ofurhljóðfráum Kinzhal-skotflaugum. Þjálfun vegna flauganna og mannvirkjagerð hefst á árinu 2021.

Þetta segir fulltrúi rússneska varnarmálaráðuneytisins við blaðið Izvestiu. Ekki kemur fram hvenær gert er ráð fyrir að eldflaugin verði orðin hluti vopnabúnaðar Norðurflotans.

Atle Staalesen segir á norsku vefsíðunni Barents Observer miðvikudaginn 16. desember að frá því í desember 2019 hafi verið rætt um að skotflaugarnar yrðu í Norðurflotanum. Þá hitti Valeríj Gerasimov, yfirmaður rússneska herráðsins, 150 hermálafulltrúa erlendra sendiráða og sagði þeim að verið væri að leggja net flugvalla sem gerði kleift að stækka afnotasvæði þessara flauga. Vísaði hann þar til afnota af nýjum flugvöllum á norðurslóðum.

Rússar vinna nú að flugvallargerð á að minnsta kosti fimm stöðum lengst í norðri, það er Rogatsjevo á Novaja Zemlja, Nagurskoje á Franz Josef Land, Srednij á Severnaja Zemlja, Kotelnij á Nýju-Síberíueyjum og Wrangeleyju.

MiG-31-orrustuþotur bera Kinzhal-flaugarnar og eru slíkar þotur nú í stöð við

Montsjegorsk á Kólaskaga. Þær má nota undir flaugarnar segir Izvestia. Jafnframt er rætt um að opna nýja flugherstöð á þessu svæði.

Vladimir Pútin Rússlandsforseti varð fyrstur til að kynna Kinzhal-eldflaugina á opinberum vettvangi í mars 2018.

Nýja eldflaugakerfinu má lýsa sem fljúgandi útgáfu af Iskander, skammdrægu landeldflauginni. Með því að setja slíka flaug um borð í flugvél magnast hættan af henni.

Ofurhljóðfráum hraða nær eldflaugin af því að henni er skotið á braut um geiminn í átt að skotmarki sínu, skilur það á milli hennar og stýriflauga sem er stjórnað í gufuhvolfinu.

Tilraunaskot voru með Kinzhal-flaugar yfir Barentshafi í nóvember 2019. Þá var sagt að flauginni hefði verið skotið á tíföldum hljóðhraða, 10 Mach. Flaugina má nota til að flytja venjulega sprengjuodda eða kjarnorkuodda. Talið er að flauginni megi skjóta á skotmark í allt að 2.000 km fjarlægð. Með flauginni skapast algjörlega ný hernaðarleg staða fyrir nágrannaþjóðir Rússa á norðurslóðum.

 

MiG-31-orrustuþota Kinzhal-skotflaug.

Stefnumarkandi ákvörðun hefur verið tekin um að rússneski Norðurflotinn vígbúist með ofurhljóðfráum Kinzhal-skotflaugum. Þjálfun vegna flauganna og mannvirkjagerð hefst á árinu 2021. Þetta segir fulltrúi rússneska varnarmálaráðuneytisins við blaðið Izvestiu. Ekki kemur fram hvenær gert er ráð fyrir að eldflaugin verði orðin hluti vopnabúnaðar Norðurflotans. Atle Staalesen segir á norsku …

Lesa meira

Rússneskir öryggislögreglumenn eitruðu fyrir Navalníj

Alexei Navalníj

  Rússneska öryggislögreglan (FSB) er sökuð um að hafa eitrað fyrir Alexei Navalníj, helsta stjórnarandstæðingi í Rússlandi. Þetta segir í skýrslu sem birt var mánudaginn 14. desember. Eitrað var fyrir Navalníj með taugaeitrinu Novitsjok í ágúst. Hann hefur sakað Vladimir Pútin Rússlandsforseta um að hafa gefið fyrirmæli um árásina en …

Lesa meira